Lu Pricettu ti Pasca
‘Mpena Pasca sta trasìa
alla Chiesa si fucìa,
t’ièri prima a cunfissari
ci Pricettu t’ièri a fari.
E’ di tutti risaputu,
sempri all’urtumu minutu.
Nci fo’ unu, pi’ l’urgenza,
sta’ pirdìa la pacienza,
ogni Chiesa ca ‘ncuntrava
cchiù la cota si ‘llungava.
Ton Saveriu, ti luntanu,
cu lu bascu e lu pastranu,
si vitìa ca sta trasia
ti cret’àlla sacristìa.
Lu raggiunsi, lu firmàu
e di pressa ddummandàu
ci non c’era ti spittari
pi’ putèrsi cunfissari.
“Jèni qua, cè ha’ cunvinàtu
qual è statu lu piccatu”?
“Eti viziu, o malatìa
iu tratiscu Coca mia”.
“Ci vuè giustu pirdunatu,
quantu voti,tu ha’ piccatu”?
“Ti lu ticu, cu prutenza,
tammi qua sta pinitènza.
Ton Save’, o picca o tantu?
Iu no’ stau qua cu mi vantu”!
